ផ្លែអំពិល គឺជាផ្លែឈើដែលជួយបង្កើនការរំលាយអាហារ។ វាសំបូរទៅដោយសារធាតុប្រឆាំងអុកស៊ីតកម្មដែលជួយការពារបេះដូងរបស់អ្នក ហើយវាក៏ជួយកាត់បន្ថយការរលាកក្នុងខ្លួនផងដែរ។ វាក៏ល្អសម្រាប់ការសម្រកទម្ងន់ដែរ វាការពារអ្នកពីប៉ារ៉ាស៊ីត និងដង្កូវដោយបង្កើនភាពស៊ាំរបស់អ្នក។ យោងតាមក្រសួងកសិកម្មអាមេរិក ផ្លែអំពិលស្រស់ផ្តល់ថាមពល (កាឡូរី) រួមជាមួយសារធាតុរ៉ែសំខាន់ៗដូចជាប៉ូតាស្យូមផូស្វ័រ ម៉ាញ៉េស្យូម កាល់ស្យូម ដែក សូដ្យូម និងស័ង្កសី។ វាក៏មានផ្ទុកវីតាមីនC ក្រុមវីតាមីនB (Niacin, Riboflavin, Thiamin, Folate) និងវីតាមីន A និង K ។

អត្ថប្រយោជន៍នៃផ្លែអំពិល
១) ការពារសុខភាពបេះដូង៖ ការសិក្សាមួយដែលបានចុះផ្សាយនៅក្នុងអត្ថបទវិទ្យាសាស្ត្រចំណីអាហារ និងគីមីពុលបានបង្ហាញថាអំពិលអាចជួយក្នុងការបញ្ចុះកូឡេស្តេរ៉ុលអាក្រក់។ ជាតិសរសៃនៅក្នុងផ្លែឈើជូរនេះត្រូវបានគេគិតថាជួយក្នុងការកម្ចាត់កូលេស្តេរ៉ុលអាក្រក់ចេញពីសរសៃឈាម។ ការស្រាវជ្រាវមួយបន្ថែមទៀតដែលបានបោះពុម្ពផ្សាយក្នុងឆ្នាំ ២០១៣ បានរកឃើញថាសាច់ផ្លែអំពីលផ្តល់នូវប្រសិទ្ធភាព Hypocholesterolemic របស់ខ្លួនតាមរយៈការបង្កើនលំហូរកូឡេស្តេរ៉ូល បង្កើនការលុបបំបាត់កូឡេស្តេរ៉ុលអាក្រក់។ លើសពីនេះទៅទៀតវាក៏បង្ហាញពីឥទ្ធិពលប្រឆាំងអុកស៊ីតកម្មដ៏មានសក្តានុពលរបស់ផ្លែអំពិលដែលអាចការពារប្រឆាំងនឹងកូលេស្តេរ៉ុលខ្ពស់។

២) ធ្វើអោយប្រសើរឡើងនូវការរំលាយអាហារ៖ ផ្លែអំពិលបានផ្តល់ឱ្យនូវជាតិសរសៃចំណីអាហារ។ ការបរិភោគវាជាផ្លែឈើ ឬគ្រឿងទេសអាចជួយបង្កើនប្រសិទ្ធភាពនៃប្រព័ន្ធរំលាយអាហាររបស់អ្នកព្រោះថាជាតិសរសៃរលាយអាចសម្រួលដល់កាកសំណល់នៅក្នុងពោះវៀនបានយ៉ាងងាយស្រួល។ វាក៏ជាសារធាតុទឹកប្រមាត់ផងដែរមានន័យថាវារំញោចសកម្មភាពរបស់អាស៊ីតទឹកប្រមាត់ និងទឹកប្រមាត់ដែលជួយក្នុងការស្រូបយកខ្លាញ់ និងវីតាមីនរលាយក្នុងខ្លាញ់ក្នុងពោះវៀនតូច។

៣) ស្រក​ទម្ងន់៖ ការសិក្សាស្រាវជ្រាវដែលចុះផ្សាយក្នុងអត្ថបទវិទ្យាសាស្ត្រឱសថបានបង្ហាញថាទឹកអំពិលចម្រាញ់អាចជួយកាត់បន្ថយភាពធាត់បាន។ សមាសធាតុមួយក្នុងចំណោមសមាសធាតុប្លែកៗដែលគេហៅថា Trypsin inhibitors ដែលមាននៅក្នុងអំពិលអាចជួយក្នុងការកាត់បន្ថយភាពឃ្លានរបស់អ្នក។ ប្រូតេអ៊ីននេះត្រូវបានគេដឹងថាអាចទប់ស្កាត់ចំណង់អាហារបានដោយបង្កើនការបញ្ចេញសារធាតុ Serotonin របស់ប្រព័ន្ធបញ្ជូនសរសៃប្រសាទ។ ការស្រាវជ្រាវនៅតែបន្តកើតមានក្នុងវិស័យទាំងនេះ ប៉ុន្តែផ្លែឈើចម្រាញ់នេះ បង្ហាញពីសញ្ញាល្អថាជាថ្នាំសម្រកទម្ងន់។

៤) ជួយគ្រប់គ្រងជំងឺទឹកនោមផ្អែម៖ របបអាហារដែលមានជាតិកាបូអ៊ីដ្រាតច្រើនអាចបង្កើនឱកាសកើនឡើងនៃកម្រិតជាតិគ្លុយកូស និងអាំងស៊ុយលីនដែលមិនអាចគ្រប់គ្រងបានដែលជាការព្រួយបារម្ភយ៉ាងខ្លាំងចំពោះអ្នកដែលទទួលរងពីជំងឺទឹកនោមផ្អែម។ អំពិលអាចរារាំងអង់ស៊ីមដែលបញ្ឈប់កាបូអ៊ីដ្រាតពីការស្រូបចូលក្នុងខ្លួន។

៥) សមត្ថភាពប្រឆាំងនឹងការរលាក៖ Lupeol ត្រូវបានគេរកឃើញនៅក្នុងស្លឹកអំពិលមានផ្ទុកនូវការប្រឆាំងនឹងការរលាកនេះបើយោងតាមការសិក្សាដែលធ្វើឡើងនៅសាកលវិទ្យាល័យ Wisconsin-Madison ។ ប្រេងសំខាន់ៗរបស់ដើមអម្ពិលត្រូវបានផ្សារភ្ជាប់ទៅនឹងសមត្ថភាពប្រឆាំងនឹងការរលាកជាច្រើនរួមមានការកាត់បន្ថយការឈឺសន្លាក់ និងរលាកសន្លាក់។ វាក៏ជួយកាត់បន្ថយការរលាកភ្នែកផងដែរ ដែលជាទម្រង់មួយក្នុងចំណោមទម្រង់ទូទៅបំផុតគឺការរលាកភ្នែកដែលត្រូវបានគេស្គាល់ថាជាភ្នែកពណ៌ផ្កាឈូក។ វាបានបង្ហាញពីសមត្ថភាពធ្វើឱ្យធូរស្បើយ និងប្រឆាំងនឹងការរលាកយ៉ាងច្បាស់លាស់ ហើយដូច្នេះត្រូវបានប្រើក្នុងឱសថបុរាណជាច្រើនសម្រាប់ការរលាក។

៦) ជំរុញភាពស៊ាំ៖ ការសិក្សាស្រាវជ្រាវមួយដែលត្រូវបានចេញផ្សាយនៅក្នុងទស្សនាវដ្តី Elsevier’s LWT - វិទ្យាសាស្ត្រស្បៀងអាហារ និងបច្ចេកវិទ្យាបង្ហាញលើលក្ខណៈសម្បត្តិប្រឆាំងអុកស៊ីតកម្មដ៏មានឥទ្ធិពលរបស់អំពិល។ សារធាតុប្រឆាំងអុកស៊ីតកម្មធ្វើឱ្យអំពិលជាវិធីដ៏អស្ចារ្យមួយដើម្បីជួយបង្កើនភាពស៊ាំរបស់អ្នកដែលជួយការពារការឆ្លងមេរោគពីអតិសុខុមប្រាណ និងផ្សិត។ វាក៏ជួយកាត់បន្ថយការកើតឡើងនៃពពួកប៉ារ៉ាស៊ីតនៅក្នុងខ្លួនដោយសារតែឥទ្ធិពលថ្នាំសំលាប់មេរោគ។ វាត្រូវបានផ្សារភ្ជាប់យ៉ាងពិសេសក្នុងការលុបបំបាត់ពពួកដង្កូវក្នុងក្រពះចំពោះកុមារនៅតំបន់ត្រូពិក។ 

ប្រភព៖ Organic Facts: by John Staughton (BASc, BFA) last updated - October 07, 2020 Medically reviewed by Vanessa Voltolina (MS, RD)