ផ្លែល្វាគឺជាផ្លែឈើទន់ដែលមានសម្បកស្ដើង និងអាចមានពណ៌បៃតង ឬពណ៌ស្វាយ។ សាច់របស់ផ្លែល្វាជាធម្មតាមានពណ៌ក្រហមហើយផ្លែទាំងមូលអាចបរិភោគបាន។ មនុស្សបានប្រើផ្លែល្វាដើម្បីជួយព្យាបាលស្ថានភាពសុខភាពទាក់ទងនឹងប្រព័ន្ធអង់ដូគ្រីន ប្រព័ន្ធបន្តពូជ និងប្រព័ន្ធដំណកដង្ហើមក៏ដូចជាបំពង់រំលាយអាហារ។ នៅក្នុងអត្ថបទនេះយើងនឹងស្វែងយល់ពីអត្ថប្រយោជន៍ និងហានិភ័យដែលទាក់ទងនឹងការបរិភោគផ្លែល្វា។ វាក៏នឹងពិភាក្សាអំពីខ្លឹមសារអាហារូបត្ថម្ភទាំងផ្លែល្វាស្រស់ និងស្ងួតផងដែរ។

អត្ថប្រយោជន៍
១) ការគ្រប់គ្រងជំងឺទឹកនោមផ្អែម និងគ្លុយកូស៖ អង្គការសុខភាពពិភពលោក (WHO) បានលើកឡើងថាប្រជាជនអាចប្រើរុក្ខជាតិបុរាណដើម្បីជួយព្យាបាលជំងឺទឹកនោមផ្អែម។ ក្រុមអ្នកស្រាវជ្រាវបានកត់សម្គាល់ពីឥទ្ធិពលការពារថ្លើម និងបន្ថយជាតិគ្លុយកូសរបស់ផ្លែល្វា។ ការស្រាវជ្រាវលើប្រធានបទនេះគឺនៅមានកម្រិតណាស់។ ទោះយ៉ាងណាការសិក្សាតូចមួយពីឆ្នាំ ១៩៩៨ បានរកឃើញថានៅក្នុងអ្នកចូលរួម ៨ នាក់មានការថយចុះនូវកម្រិតជាតិស្ករក្រោយពេលបរិភោគអាហារនៅពេលពួកគេទទួលទានស្លឹកល្វាចំរាញ់។ នៅក្នុងការសិក្សាមួយដែលប្រើកណ្តុរដែលមានជំងឺទឹកនោមផ្អែមប្រភេទទី ២ អ្នកស្រាវជ្រាវបានរកឃើញថាស្លឹកល្វាចម្រាញ់អាចជួយបង្កើនកម្រិតអាំងស៊ុយលីន និងបន្ថយកម្រិតជាតិស្ករនៅក្នុងឈាម។ នៅក្នុងការសិក្សាផ្សេងគ្នាដោយប្រើសត្វកណ្តុរដែលមានជំងឺទឹកនោមផ្អែម អ្នកស្រាវជ្រាវបានបង្ហាញថាស្លឹកល្វាចម្រាញ់អាចបញ្ឈប់ ឬបន្ថយការផលិតគ្លុយកូសនៅក្នុងថ្លើម។

២) សុខភាពស្បែក៖ ការសិក្សាចាស់មួយនៅក្នុងអត្ថបទវិទ្យាសាស្ត្រអន្តរជាតិនៃរោគសើរស្បែកបានប្រៀបធៀបផលប៉ះពាល់នៃជ័ររបស់ដើមល្វា និងការព្យាបាលដោយ Cryotherapy ទៅលើជំងឺឫសធម្មតា។ នៅក្នុងការសិក្សាអ្នកចូលរួម ២៥ នាក់ដែលមានឫសធម្មតានៅលើផ្នែកទាំងសងខាងនៃរាងកាយរបស់ពួកគេបានលាបជ័រល្វានៅម្ខាង។ នៅផ្នែកម្ខាងទៀតគ្រូពេទ្យបានប្រើវិធីព្យាបាលដោយប្រើ Cryotherapy ។ អ្នកស្រាវជ្រាវបានរកឃើញថានៅក្នុងអ្នកចូលរួម ៤៤% ជ័រដើមល្វាបានបំបាត់នូវឫសទាំងស្រុង។ ទោះយ៉ាងណាការព្យាបាលដោយប្រើថ្នាំ Cryotherapy មានប្រសិទ្ធភាពជាងមុន ប៉ុន្តែជាលទ្ធផលមានភាពផ្ទុយស្រឡះនៅក្នុងអ្នកចូលរួម ៥៦% ។ អ្នកស្រាវជ្រាវមិនទាន់យល់ពីមូលហេតុដែលផ្លែល្វាអាចជួយបំបាត់បញ្ហាឫសនោះទេ ប៉ុន្តែជ័រល្វាអាចផ្តល់ជម្រើសព្យាបាលដែលមានសុវត្ថិភាព និងងាយស្រួលប្រើដែលបង្ហាញពីផលប៉ះពាល់តិចតួចឬគ្មាន។

៣) សុខភាពសក់៖ ការសិក្សាតិចតួចណាស់បានពិនិត្យមើលការផ្សារភ្ជាប់គ្នារវាងផ្លែល្វា និងសុខភាពសក់។ ទោះជាយ៉ាងណាក៏ដោយផ្លែល្វាមានជាតិដែកខ្ពស់ណាស់ដែលជាសារធាតុរ៉ែដ៏សំខាន់សម្រាប់ជួយថែរក្សាសក់ឱ្យមានសុខភាពល្អ។ មុនពេលមនុស្សចាប់ផ្តើមលេបថ្នាំចំរាញ់ ឬថ្នាំបំប៉នដើម្បីសុខភាពសក់ពួកគេ គួរតែពិគ្រោះជាមួយគ្រូពេទ្យដើម្បីធានាថាវាមានសុវត្ថិភាពសម្រាប់ពួកគេ។

៤) គ្រុន៖ ការស្រាវជ្រាវបន្ថែមគឺចាំបាច់ដើម្បីសាកល្បងប្រសិទ្ធភាពរបស់ផ្លែល្វាលើបញ្ហាគ្រុន។ ទោះជាយ៉ាងណាក៏ដោយការសិក្សាលើសត្វកណ្តុរបានបង្ហាញថាកម្រិតនៃការដកស្រង់ជាតិអាល់កុលពីផ្លែល្វាបានកាត់បន្ថយសីតុណ្ហភាពរាងកាយរហូតដល់ ៥ ម៉ោង។ ការសិក្សាបន្ថែមទៀតគឺត្រូវការជាចាំបាច់ដើម្បីបញ្ជាក់ពីការរកឃើញទាំងនេះខណៈដែលអ្នកស្រាវជ្រាវនៅតែមិនច្បាស់ពីរបៀបពន្យល់ពីឥទ្ធិពលនៃការថយចុះសីតុណ្ហភាពរបស់ផ្លែល្វា។

៥) សុខភាពរំលាយអាហារ៖ មនុស្សទូទៅប្រើទឹកស៊ីរ៉ូផ្លែល្វាដើម្បីជួយព្យាបាលការទល់លាមកដោយសារអាហារបំប៉នជាតិសរសៃរបស់វា។ ផ្លែល្វាធ្វើឱ្យប្រសើរឡើងនូវរោគសញ្ញានៃការទល់លាមកភាគច្រើនរួមមាន៖ ពេលវេលាចលនាពោះវៀន ចំនួនចលនាពោះវៀន ឈឺក្រពះ និងមិនស្រួល។

ហានិភ័យ
ហានិភ័យទាក់ទងនឹងផ្លែល្វាអាចប្រែប្រួលអាស្រ័យលើរបៀបដែលមនុស្សប្រើប្រាស់វា។
១) អន្តរកម្មថ្នាំ៖ ទាំងផ្លែល្វាស្រស់ និងស្ងួតមានផ្ទុកកម្រិតវីតាមីន K ខ្ពស់។ មនុស្សដែលប្រើថ្នាំបន្ថយឈាមដូចជាថ្នាំ Warfarin ត្រូវការរក្សាកម្រិតវីតាមីន K ក្នុងរបបអាហាររបស់ពួកគេឱ្យនៅដដែល ដូច្នេះពួកគេអាចចៀសវាងមិនបរិភោគផ្លែល្វា។
២) រោគសញ្ញារំលាយអាហារ៖ ដោយសារផ្លែល្វាមានបរិមាណជាតិសរសៃខ្ពស់ការបរិភោគផ្លែល្ពៅច្រើនពេកជាពិសេសផ្លែល្វាស្ងួតអាចបណ្តាលឱ្យរាគ។
៣) អាឡែហ្ស៊ី៖ អ្នកខ្លះអាចមានប្រតិកម្មទៅនឹងផ្លែល្វា
៤) ផ្លែល្វាស្រស់ ឬស្ងួត?៖ ការជ្រើសរើសផ្លែល្វាស្ងួត ឬស្រស់អាស្រ័យលើចំណង់ចំណូលចិត្ត និងកាលៈទេសៈរបស់មនុស្សម្នាក់ៗ។ ផ្លែល្វាស្ងួតមានកាឡូរី ស្ករ ជាតិសរសៃចំណីអាហារ វីតាមីន និងជាតិរ៉ែច្រើនជាងផ្លែល្វាស្រស់។ ប៉ុន្តែផ្លែល្វាស្រស់នឹងមានវីតាមីន C វីតាមីន A និង Beta-Carotene បន្ថែមទៀត។

ប្រភព៖ MedicalNewsToday: Medically reviewed by Miho Hatanaka, RDN, L.D. — Written by Jessica Caporuscio, Pharm.D. on December 4, 2019