អត្ថប្រយោជន៍សុខភាពគួរឱ្យចាប់អារម្មណ៍របស់ខ្ទឹមក្រហមរួមមានសមត្ថភាពរបស់ពួកគេក្នុងការបន្ថយកម្រិតកូឡេស្តេរ៉ុល ដើរតួជាភ្នាក់ងារប្រឆាំងនឹងមហារីក ផ្តល់នូវការប្រឆាំងនឹងផ្សិត ប្រឆាំងនឹងបាក់តេរី និងការការពារប្រឆាំងនឹងវីរុស បន្ថយសម្ពាធឈាម ជួយគ្រប់គ្រងជំងឺទឹកនោមផ្អែម ជួយសម្រួលដល់សរសៃប្រសាទ បង្កើនចរាចរ បង្កើនល្បឿនរំលាយអាហារ និងជំនួយក្នុងការសម្រកទម្ងន់។
អាហារូបត្ថម្ភរបស់ខ្ទឹមក្រហម
ខ្ទឹមក្រហមសំបូរទៅដោយសារធាតុ Flavonols និងសមាសធាតុ Polyphenolic ច្រើនជាងខ្ទឹមបារាំង និងខ្ទឹមស។ លើសពីនេះទៅទៀតពួកគេក៏ផ្ទុកនូវជាតិសរសៃចំណីអាហារ ប្រូតេអ៊ីន វីតាមីនសេ ប៉ូតាស្យូម Folate វីតាមីនA វីតាមីន B6 និងម៉ង់ហ្គាណែសផងដែរ។
អត្ថប្រយោជន៍សុខភាពនៃខ្ទឹមក្រហម
១. ដើរតួជាភ្នាក់ងារប្រឆាំងអុកស៊ីតកម្ម៖ ប្រហែលជាអាហារបំប៉នដ៏ល្អបំផុតដែលបន្ថែមនៅក្នុងខ្ទឹមក្រហមគឺជាបរិមាណខ្ពស់ និងភាពចម្រុះនៃសារធាតុប្រឆាំងអុកស៊ីតកម្មរួមមាន Quercetin, Kaempferol និងសារធាតុប្រឆាំងអុកស៊ីតកម្មប្រភេទស្ពាន់ធ័រជាច្រើនទៀត។ សារធាតុប្រឆាំងអុកស៊ីតកម្មទាំងនេះត្រូវបានបញ្ចេញនៅពេលផ្ទៃកោសិកាត្រូវបានរំខានដែលកើតឡើងក្នុងកំឡុងពេលចិត ឬក៏កិន ដែលស្រដៀងនឹងខ្ទឹមស។ នៅពេលសារធាតុប្រឆាំងអុកស៊ីតកម្មទាំងនេះត្រូវបានបញ្ចេញ ពួកវាបង្កើតបានជាសមាសធាតុដ៏មានតម្លៃមួយទៀតហៅថា Allicin។ សមាសធាតុដ៏មានឥទ្ធិពលនេះជួយកាត់បន្ថយការផ្លាស់ប្តូរកោសិកា និងជំងឺមហារីកផ្សេងៗ។ ការសិក្សាបានផ្សារភ្ជាប់ទៅនឹងការកាត់បន្ថយ មហារីកសួត និងមហារីកមាត់ ក៏ដូចជាមហារីកក្រពះ ពោះវៀនធំ និងមហារីកសុដន់។
២. ធ្វើឱ្យប្រសើរឡើងនូវចលនាឈាមរត់ និងមេតាប៉ូលីស៖ ជាតិរ៉ែ ដែលមានក្នុងខ្ទឹមក្រហមជាធម្មតាខ្ពស់ជាងក្នុងខ្ទឹមបារាំងរួមទាំងដែក ទង់ដែង និងប៉ូតាស្យូម។ ជាតិដែក និងទង់ដែងអាចជួយជំរុញចរន្តឈាមក្នុងរាងកាយដោយជំរុញការផលិតកោសិកាឈាមក្រហម។ ដោយមាន RBCs កាន់តែច្រើននៅក្នុងឈាម ចរន្តឈាមកើនឡើងដែលនាំអុកស៊ីសែនបន្ថែមទៀតទៅតំបន់សំខាន់ៗនៃរាងកាយខណៈពេលដែលបង្កើនថាមពល ភាពរឹងមាំ ការបង្កើតកោសិកាឡើងវិញ ការព្យាបាល និងការធ្វើមេតាបូលីស។
៣. កូលេស្តេរ៉ុលទាប និងធ្វើអោយប្រសើរឡើងនូវសុខភាពបេះដូង៖ Allicin ដែលជាសមាសធាតុបង្កើតឡើងនៅពេលដែលខ្ទឹមក្រហមត្រូវបានចិត និងកិន និងត្រូវបានផ្សារភ្ជាប់ដោយផ្ទាល់ទៅនឹងការគ្រប់គ្រងកម្រិតកូឡេស្តេរ៉ុលនៅក្នុងខ្លួន។ Allicin រារាំងអង់ស៊ីម Reductase ដែលត្រូវបានផលិតនៅក្នុងថ្លើមជាអង់ស៊ីមដែលគ្រប់គ្រងការផលិតកូឡេស្តេរ៉ុល។ តាមរយៈការបន្ថយកម្រិតកូលេស្តេរ៉ុលសរុបក្នុងរាងកាយ ខ្ទឹមក្រហមអាចជួយការពារជំងឺក្រិនសរសៃឈាម ជំងឺសរសៃឈាមបេះដូង គាំងបេះដូង និងដាច់សរសៃឈាមខួរក្បាល។
៤. បន្ថយសម្ពាធឈាម៖ ការរួមបញ្ចូលគ្នានៃប៉ូតាស្យូមដែលត្រូវបានគេស្គាល់យ៉ាងច្បាស់ជាថ្នាំ Vasodilator និងសកម្មភាពរបស់ Allicin ដែលបញ្ចេញជាតិនីត្រាតអុកស៊ីតនៅក្នុងខ្លួន ធ្វើឱ្យសម្ពាធឈាមត្រូវបានថយចុះគួរឱ្យកត់សម្គាល់។ Vasodilator ជួយបន្ធូរជញ្ជាំងសរសៃឈាម និងអនុញ្ញាតឱ្យឈាមហូរបានដោយសេរី។ នេះការពារការកកឈាម និងស្ត្រេសលើប្រព័ន្ធសរសៃឈាមបេះដូង ជួយជំរុញសុខភាពបេះដូងបន្ថែមទៀត។
៥. គ្រប់គ្រងជំងឺទឹកនោមផ្អែម៖ សារធាតុគីមីពីរដែលត្រូវបានគេរកឃើញនៅក្នុងខ្ទឹមក្រហមគឺ Allium និង Allyl Disulfide មានសារធាតុប្រឆាំងនឹងជំងឺទឹកនោមផ្អែម។ ពួកគេជួយគ្រប់គ្រងកម្រិតជាតិស្ករនៅក្នុងខ្លួន។ នេះអាចមានប្រយោជន៍ខ្លាំងណាស់សម្រាប់អ្នកជំងឺទឹកនោមផ្អែមដែលត្រូវការរក្សាកម្រិតជាតិស្ករក្នុងឈាមឱ្យស្ថិតក្រោមការគ្រប់គ្រងបាន។ ដោយសារគុណតម្លៃអាហារូបត្ថម្ភរបស់វា ខ្ទឹមក្រហមមានឥទ្ធិពលលើជាតិស្ករក្នុងឈាមដែលអាចជួយក្នុងការគ្រប់គ្រងមនុស្សគ្រប់វ័យដែលមានជំងឺទឹកនោមផ្អែមប្រភេទ១ និងប្រភេទ ២ ។
៦. ប្រព័ន្ធសរសៃប្រសាទស្ងប់៖ សារធាតុរ៉ែ និងវីតាមីនផ្សេងៗដែលមាននៅក្នុងខ្ទឹមក្រហមរួមទាំង Pyridoxine អាចជួយជំរុញការបញ្ចេញ GABA នៅក្នុងខួរក្បាលដែលមានសារៈសំខាន់ខ្លាំងណាស់សម្រាប់រក្សាកម្រិតស្ត្រេសឱ្យនៅទាប និងរក្សាអរម៉ូនក្នុងខ្លួនក្នុងកម្រិតត្រឹមត្រូវ។ ប្រសិនបើអ្នកចង់កាត់បន្ថយស្ត្រេស ឬបន្ធូរអារម្មណ៍របស់អ្នក ខ្ទឹមក្រហមអាចផ្តល់ឱ្យអ្នកនូវការជំរុញ GABA បានរហ័ស។ អាស៊ីតហ្វូលិកក៏ត្រូវបានគេរកឃើញក្នុងបរិមាណគួរឱ្យកត់សម្គាល់នៅក្នុងខ្ទឹមក្រហម ដែលជាវីតាមីនB ដ៏សំខាន់អាចជួយជាជំនួយផ្លូវចិត្ត និងផ្លូវអារម្មណ៍ដោយធ្វើនិយតកម្មប្រតិកម្មអ័រម៉ូន និងអង់ស៊ីមនៅក្នុងខួរក្បាល។
អ្វីដែលត្រូវប្រយ័ត្ន
មិនមានប្រតិកម្មអាឡែក្ស៊ីទៅនឹងខ្ទឹមក្រហមដូចជាសមាជិកភាគច្រើននៃប្រភេទនេះនោះ (ខ្ទឹមបារាំង និងខ្ទឹមស) ។ ទោះយ៉ាងណាក៏ដោយវាអាចមានអាឡែហ្ស៊ីដ៏កម្រកើតមានឡើង ដូច្នេះសូមតាមដានសុខភា រាងកាយរបស់អ្នក និងទទួលទានវាក្នុងកម្រិតមធ្យម។
ប្រភព៖ OrganicFacts: by John Staughton (BASc, BFA) last updated - January 29, 2020