នៅពេលលោកអ្នកទទួលទានផ្លែស្វាយ លោកអ្នកប្រហែលជាមិនគិតអំពីផលប្រយោជន៍ដល់សុខភាពដ៏សម្បើមរបស់វានោះទេ។ ស្វាយត្រូវបានគេស្គាល់ថាជាស្តេចនៃផ្លែឈើ។ វាមានប្រមាណ១០០០ប្រភេទហើយសុទ្ធតែមានរសជាតិឆ្ងាញ់។ ផ្លែស្វាយផ្ទុកវីតាមីន សម្បូរជាតិរ៉ែនិងសារធាតុប្រឆាំងអុកស៊ីតកម្មជាច្រើនដែលធានាដល់សុខភាពរបស់បងប្អូនទាំងអស់គ្នា។ តាមរយៈអត្ថប្រយោជន៍ខាងក្រោម បងប្អូននឹងភ្ញាក់ផ្អើលពីគុណប្រយោជន៍របស់ផ្លែស្វាយ ដែលបងប្អូនចូលចិត្តទទួលទានសឹងរាល់ថ្ងៃ៖
ជួយដល់ជំងឺក្រពះ៖ អស់រយៈពេលជាច្រើនទសវត្សមកមកហើយស្វាយត្រូវបានគេប្រើដើម្បីបំបាត់ជំងឺក្រពះ។ ស្រដៀងគ្នាទៅនឹងផ្លែល្ហុងស្វាយមានអង់ស៊ីមមួយចំនួនដែលមានលក្ខណៈសម្បត្តិជួយដល់ក្រពះ។
ជួយទប់ទល់ការឡើងទម្ងន់៖ ការសិក្សាមួយចំនួនបានរកឃើញថា ទទួលទានផ្លែស្វាយទាំងសម្បកអាចជួយទប់ទល់ការឡើងទម្ងន់ ។ សារធាតុចម្រាញ់ពីសម្បកស្វាយមានកម្លាំងទប់ស្កាត់ការអភិវឌ្ឍបណ្តាកោសិកាខ្លាញ់ក្នុងខ្លួនមនុស្ស កាត់បន្ថយបាននូវការឡើងទម្ងន់ ។
ទប់ស្កាត់ជំងឺមហារីក៖ អត្ថប្រយោជន៍ដ៏គួរឱ្យភ្ញាក់ផ្អើលរបស់ផ្លែស្វាយចំពោះសុខភាពមួយទៀត គឺវាអាចទប់ស្កាត់ជំងឺមហារីក ព្រោះសមាសធាតុ Phenolic ដែលត្រូវបានរកឃើញនៅក្នុងផ្លែស្វាយ ត្រូវបានគេបង្ហាញថាវាមានសារធាតុ ប្រឆាំងប្រតិកម្មអុកស៊ីតបានយ៉ាងមានប្រសិទ្ធភាព និង មានផ្ទុកនូវសារជាតិប្រឆាំងនឹងជំងឺមហារីកបាន។
ការពារប្រឆាំងនឹងជំងឺបេះដូង៖ វីតាមីន A (beta-carotene), វីតាមីន E និងវត្តមាន Selenium នៅក្នុងផ្លែស្វាយ បានផ្តល់នូវការការពារប្រឆាំងនឹងជំងឺបេះដូងផងដែរ។
កាត់បន្ថយខ្លាញ់កូឡេស្តេរ៉ូល៖ ស្វាយក៏មានផ្ទុកនូវសារធាតុសរសៃនិង Pectin ដ៏ច្រើនដែលសារធាតុទាំង២នេះអាចជួយកាត់បន្ថយកម្រិតខ្លាញ់កូឡេស្តេរ៉ូលអាក្រក់។
ជួយសម្រាលជំងឺហឺត៖ សារធាតុប្រឆាំងនឹងការរលាក ដែលមាននៅក្នុងផ្លែស្វាយ ក៏អាចជួយសម្រាលដល់រោគសញ្ញានៃជំងឺហឺតផងដែរ។
ប្រភព៖ Organicfacts